Hvað er 100% Pixla ábyrgð og hvernig virkar hún?

100% Pixlaábyrgð á skjám er nýjung á íslandi sem Tölvutek býður upp á. Hún virkar þannig að ef viðskiptavinur kaupir nýjan skjá hjá Tölvutek, fer með hann heim og finnur gallaðan pixel í honum 14 daga frá kaupdegi má hann skila honum strax og fá nýjan skjá.

Athugið að ábyrgðin nær aðeins yfir nýjan skjá sem reynist innihalda gallaða pixla strax í upphafi, því er mikilvægt að skoða skjáinn vel eftir að heim er komið ef ske kynni að hann innihéldi gallaðan pixel. Gott er að prófa mismunandi bakgrunnsliti þegar skjárinn er skoðaður.

Gallaðir pixlar geta verið dauðir, þeir eru þá alveg svartir og sýna engan lit. Einnig geta þeir verið svokallaðir heitir pixlar sem sýna bara fastan lit eins og t.d rauðan, óháð því hvaða mynd er skjánum.

Þrátt fyrir að gallaðir pixlar séu algjör undantekning þá viljum við með þessu tryggja að viðskiptavinir séu 100% ánægðir með nýja skjáinn sinn.